local de musica

2012-02-27T13:01:00.000-08:00

Cartel do concurso!

Cartel do concurso!

Xa temos as entradas disponibles no Local, o aforo é limitado.

Sorte a tod@s!!

Finalistas do Concurso

2012-02-26T08:18:00.000-08:00

Finalistas seleccionados por orde alfabética:

All Less One

Meigha

Nigerstella

PDA (Pus de Alce)

Skirl

Swallow´s Kiss

The Caxtons

The Grave Dolls

A final do concurso será o próximo 3 de marzo no Teatro Principal. As 18:00.

Moita sorte e gracias a todos

1º ENCONTRO DE LOCAIS DE ENSAIO MUNICIPAIS

2012-02-13T09:16:00.000-08:00

1º ENCONTRO DE LOCAIS DEENSAIO MUNICIPAIS

Dentro da programacion do FEST do 3 de Marzo teremos pola mañá este 1º Encontro de locais de ensaio municipais.

Obxectivo: Desenvolver un encontroentre técnicos, persoal político, e axentes da industria cultural para analizaras posibilidades e valor que pode aportar un equipamento municipal destascaracterísticas.

Enfoquemetodolóxico: a xornada proponse como unha reflexión guiada, orientada á construcióngrupal de posibles solucións e utilidades para as realidades de cada local deensaio.

Participantes: grupo reducido, 25persoas.

Programa

Local de música_

11:30_ Inauguración da xornada. Demetrio GómezXunqueira. Concelleiro de Xuventude de Pontevedra.

12:00_ Ponencia: O local de Música de Pontevedra, un novomodelo de centro sociocultural. Diego Parajó Naveira. Director do Local de Música exerente de Xeneme Proxectos Sociais.

13:00_Debate: Que papel que debería xogar un local de ensaio municipalen relación á comunidade local e á industria cultural?.

14:00_xantar

16:00_Grupo de traballo: Análise de situación eproblemas dos locais de ensaio municipais.

17:00_Conclusións: mapa de accións.

17:30_fin da xornada.

Inscrición

Ate 28 febreiro. Solicitude de inscrición e criterios deselección na web do local localdemusica.blogspot.com.

1º Concurso de grupos, Local de Música

2012-02-10T09:14:00.000-08:00

Cómo participar

Mandanos un video dun ensaio, e cubride os datos no seguinte formulario.

(O video teredes que subilo a "youtube, vimeo...")

Leede as bases.

En que consiste o concurso

O concurso consiste nun concerto que se celebrará o 03 de marzo de 2012 no Teatro Principal de Pontevedra. Oito (8) grupos seleccionados previamente por un xurado cualificado e representativo, farán unha actuación breve para mostrar o seu espectáculo.

O público asistente votará e concederá o premio. O premio consiste na gravación dun videoclip cunha produtora audiovisual de Pontevedra (produccionesmutantes.es).

O festival pecharase cunha actuación dun grupo convidado 1000demonios, unha Big Band nacida no Propio Local de Ensaio.

Inscrición e bases:

www.localdemusica.blogspot.com

LOCAL DE MÚSICA FEST 03:03:12

2012-02-10T02:27:00.000-08:00

O LOCAL DE MÚSICAFEST nace co obxectivo de visibilizar na comunidade os resultados e avances daaposta pola creación musical de base que o Concello de Pontevedra pretendedesde o proxecto do Local de Música.

1º ENCONTRO DELOCAIS DE ENSAIO MUNICIPAIS

Máis alá de dotar á cidade dun equipamento adaptado paraa práctica musical, o Local de Músicapretende liderar un movemento de apoio ás estruturas municipais que facilitan,promoven e apoian a esta creación cultural de base.

Ese liderazgo vaise forxando ano a ano e así o demostranas visitas institucionais doutros concellos que, interesándose polo modelo dexestión e dinamización, achéganse a Pontevedra para preguntar, indagar e buscarsolucións para os seus proxectos.

Parecíanos, pois, relevante, aportar un espazo dereflexión e encontro, actualmente inexistente, onde diferentes axentes,profesionais e representantes políticos, poideran xuntarse e compartirsolucións para o fortalecemento deste tipo de proxectos.

1º CONCURSO DOLOCAL DE MÚSICA

Por outra banda, para facer visibles aos protagonistasdeste proxecto, pensouse nunha idea sinxela e que aportara valor real aosproxectos musicais destes mozos e mozas. Este concurso pretende mostrar nunespazo central da Cidade coma o TeatroPrincipal, novas e diversas propostas musicais, cun premio para o grupogañador en especie: facer un vídeo-clip,onde o público asistente será o gran xurado.

Este festival é un exercicio de integración ecolaboración, onde se pretende que participen e estean representadas moitaspartes interesadas da comunidade para achegar posturas, escoitar propostasdesde unha actitude de “portas abertas” e en definitiva, reivindicar o valor da creatividade e do esforzo damocidade.

Lp Obradoiro de expresión corporal por Xoán Curiel

2011-11-26T08:56:00.001-08:00

Local Project

2011-11-21T08:29:00.001-08:00

Dende fai un par de semanas xa está en marcha o noso Local Project, que é un proxecto de formación para bandas musicais onde tocamos os principais conceptos para o desenvolvemento dun grupo como pode ser: busqueda do son, autoproción, arranxos... Obradoiros de combo, expresión vocal e corporal..conferencias de dereitos, novos medios para a difusión...etc.

Lounge & drink!

2011-11-11T02:26:00.001-08:00

Habemus cafeterum et papadelix

Exposición de Fotos

2011-10-25T10:17:00.000-07:00

Xa temos no Local a exposición de fotos dos alumnos do curso de verán de fotografía.

Podedes achegarvos no horario de Luns a Sábado de 16h a 22h. Os sábados ademais estamos de 10h a 14h

Imos sacar o LP.

2011-10-24T11:01:00.000-07:00

Esta é a proposta do Local de Música para a formación interna. O obxectivo é respostar ás principais necesidades e intereses de formación dos grupos do Local en función dos diferentes perfis que actualmente conviven no local.

Analizamos ao longo destes últimos anos as demandas dos grupos e as necesidades específicas de formación. Despois de varias experiencias formativas, definimos unha liña compacta e delimitada e plenamente integrada co enfoque de xestión do local.

revisión de normas

2011-10-21T09:13:00.000-07:00

Estamos revisando as normas do local e queremos contar coa túa opinión. Precisamos unhas novas que se adapten e regulen efectivamente o que está a ser o funcionamento actual do local.

Por iso, durante o mes de novembro, deixaremos aberto un canle de recollida de ideas e propostas que consideredes que se deberían recoller nas normas. O obxectivo e ter unha proposta consensuada para presentar e aprobar durante o mes de decembro.

Na barra da dereita atoparedes un enlace para acceder ás normas e outro para un formulario onde poderedes deixar as vosas aportacións.

benvidos e benvidas ao blog do local

2011-09-30T03:45:00.000-07:00

Esta será o novo site onde poderedes atopar as novidades, noticias, actividades e eventos vencellados ao local e á mocidade pontevedresa.